నా అరచేతి రేఖారాతలని నిందించి లాభమేమి?
నాతో పరిచయం ఎందుకని అడిగి లాభమేమి?
నా నుదిటిరాతలో లేని నీకై శోధించి లాభమేమి?
భావాలెన్నో బదుల్లేని ప్రశ్నలుగా మిగిలాయి!
మదిని భారంచేసే భాధలే నేస్తాలుగా మారాయి!
నీ తలపులతో మరికొన్ని వద్దన్నా వచ్చి చేరాయి!
ఆనందాలని పంచే తలపుల ఊహలెన్నో నావి.
మౌనాన్ని బహుమతిచ్చి మరిచే ఊహలు మీవి.
సరిపడే భాధలుండగా ఇంకెన్ని కొనుగోలు చేసేది.
ఎర్రగులాబీకే ఆ అర్హతా?
ప్రేమకి అదేమైనా అధినేతా?
దానికున్న ముల్లే దాని రక్షణ
తిడతారందరూ అందంగా లేదనా
ముల్లుంది కనుకే గులాబి పదిలం
అందముందని కూడదు దానికాగర్వం
అందాన్ని చూసి కేవలం ఆనందిస్తారు
పరులకొరకు ప్రాకులాడితే ఆరాధిస్తారు
ప్రేమ పంచడానికి రోజాపువ్వే కావాలా?
ప్రతిఫలం ఆశించక చేసేపని పసిడి కాదా?
