పరువపు వయసు, మల్లె మనసు... నల్లని కురులు, ఎన్నెన్నో ఊహలు... కొంత అందం, మరికొంత చిలిపిదనం... చిరుగాలి తరగలా, సెలయేటి నురగలా... మదినిండా భావాలు, వాటికెన్నో రూపాలు... వెరసి ఈ తెలుగమ్మాయి..... మీ మదిదోయ చేసే చిరుప్రయత్నమోయి!
స్వప్నలోకంలో నీతో సాదించే సరసాలు వివరిస్తా
నీ అందాన్ని అభివర్ణిస్తూ వ్రాసిన కవితలు వినిపిస్తా
నీ నిండైన రూపానికి గీసిన ప్రతిరూపాలు చూపిస్తా
నీ విరహంతో రగిలిన కార్చిచ్చులను చూపిస్తా
నీ ఎడబాటుతో కారిన కన్నీటి కడలిని చూపిస్తా
నీ అభిషేకం కై పెంచిన పూలతోటలు చూపిస్తా
నీ ఆరాధన కోసం కట్టిన పొదరిల్లులు చూపిస్తా
నావెంట రా ప్రేమసాగరం లోతుల్ని చూసేద్దాం!!
అలా వచ్చి వెళ్ళిపోయే వాన తుంపరవి నీవు
అలా మెరిసి మాయమైపోయే మెరుపు నీవు
గాలిని కోస్తూ మధురంగా వినపడే వెదుగానం
చల్లగా మేనుతాకి మరలిపొయె సమీరం నీవు
ఎందుకని అలా?????????
కలలా కరిగిపొయే కాలానివి కాకు నేస్తమా..
నా ఎద ప్రమిదలో నిత్యం వెలిగే దీపకాంతి నీవు
అలా వచ్చి నిత్యం గుండెలో కొలువుండిపో నీవు
కాకుంటే నా చావు వెంట నాతో వచ్చెయ్ నీవు
ఏమనుకోక ఎప్పటికీ నాలో కలిసిపోయి కరిపో నీవు
