తెలిపేదెల

నల్లని కురులను చూసి భయమేల
మోము మెరుపును నీవు కానలేదా! 
కవ్వించే చూపులకే కంగారుపడనేల
నాకే దక్కి కలను నిజం చేయరాదా!

మొగ్గలో మకరందముందని భ్రమేల
వికసించిన పూపరిమళం నీది కాదా!
నేను పలికే నిజాలకి సాక్ష్యం కావాల
ఎగసిపడే నా ఎదసవ్వడిని వినరాదా!

నిన్ను కోరిన నన్ను చూసి నవ్వాల
నువ్వేనేను అన్న బరోసానీయరాదా!
నువ్వంటే నాకు ఇష్టమని తెలిపేదెల
ప్రేమించే హృదయాన్ని కనుగొనరాదా!