Sunday, December 11, 2016

మమైకం

సంధ్యవేళ మామిడితోటలో 
చల్లని వెన్నెలకి చెట్టు క్రింద
ఆకుమాటు పిందెలు తడవ
ఆమని భళ్ళున వెల్లివిరియ 
ఎచ్చట నుండి వాలెనో గోరింక
చెట్టుకొమ్మల్లో ఊయల ఊగుతూ 
కుహూ రాగాలు కొంటెగా కూయ 
విన్న చిలుక పరవశంతో నవ్వ
గమ్మత్తుగా రెండు ఏకమాయె!  
  

Wednesday, August 24, 2016

తెలుపవా

తారల నడుమ తారగా నేనుంటా
చంద్రుడివై  వెన్నెల కురుపించవా 

ప్రియతమా పంతం పగ్గాలు వీడి..

నన్ను నీ ఒడిలో బంధించుకునవా

ప్రేమ మత్తులో ఉన్నాను ఒడిసిపట్టి

నిద్రపోబోతే  మేల్కొలిపి తీసుకెళ్ళవా

జీవితం అంతమైపోతుంటే ఓదార్చి..

ప్రేమకు అంతం లేదని చాటిచెప్పవా!

Thursday, June 23, 2016

వద్దు..

నేను తట్టుకోలేనంతగా ప్రేమించకు
నాకు అందనంత  దూరంగా నీవు ఉండకు
నువ్వు ప్రేమించలేనంత నిన్ను ప్రేమించానని
నీ ప్రేమని నాకు చెప్పడం మరువకు..

నేను లేని ఒంటరితనాన్ని ఊహించకు
నన్ను తలచి మౌనంగా రోధించకు
నా ప్రేమని నీవు మరిచే ప్రయత్నం చేస్తూ
నిన్ను మరువమని నన్ను శపించకు..

Sunday, April 3, 2016

వచ్చేయ్

సైగచేయగానే సన్నగా ఈలవేసి

సంబరంతో సరసానికి వచ్చేయి


మూగభాషలో భావాన్ని పసిగట్టి 

 
జాగుచేయబోకు జామురేతిరి 


తెల్లవారిందంటే మనకి మిగిలేది 


వెలుగుతో కలవని చీకటి చిరాకులే 


పలుకరించలేని పని పరాకులే...