నీవు అర్థంకావు

నా మనసున ఉన్నది నీవేనన్నా వినిపించుకోవు
పగలంతా ఊసులాడినా రేయి కలలోకైనా రావు..

నీ ఏకాంతంలో నా ఆలోచనలకి తావైనీయవు
మరిస్తేకదా గుర్తు చేసుకోవడానికి అంటావు..

మాటలతో చేరువకమ్మంటే మౌనంగా వింటావు
నీ పెదవిపై నవ్వునౌదామంటే నాకన్నీరై వస్తావు..

ప్రేమతో బంధించ అందుకోను నీవు నా దరిలేవు
ఎన్నెన్నో జన్మల బంధం ఈ ప్రేమ అని అంటావు..

ఈ చెలిమికి అనురాగాల ఊపిరిని అందించరావు
ప్రతిక్షణం నీతో నేనంటే నీ ప్రాణమే నేనంటావు!!!